Холгуминская библиотека Холгумаҕа чэпчэки атлетика легендата Мария Неустроева
Холгумаҕа чэпчэки атлетика легендата Мария Неустроева
Ахсынньы 18 күнүгэр Холгума нэһилиэгигэр Мария Романовна оскуола оҕолорун кытта көрсөн, кэпсэтэн барда.
Чэпчэки атлетика тыыннаах легендата буолбут Мария Романовна Неустроева сүрдээх элбэх мэтээллэрин остуолга тэлгээн олорор хаартыската интэриниэт ситиминэн киэҥник тарҕаммыта.
Кини - чэпчэки атлетикаҕа Саха Өрөспүүбүлүкэтин спордун маастара, бэтэрээннэргэ Арассыыйа спордун маастара, бэтэрээннэргэ дойду алта төгүллээх чөмпүйүөнэ, аҕыс төгүллээх призера, Европа сэттэ төгүллээх чөмпүйүөнэ, уон төгүллээх призера, Мэҥэ- Хаҥалас, Дьаҥхаада нэһилиэгин Бочуоттаах гражданина, Арассыыйа хомуур хамаандатын чилиэнэ. Ахсынньы 14 күнүгэр 76 сааһын туолла.
“Интэриниэккэ тарҕаммыт хаартысканы ким ыытан кэбиспитин билбэппин. Ити мин үйэм тухары мунньубут мэтээллэрим. Барыта бэйэм киэннэрэ. Сорохтор “коллекциялаабыт быһыылаах” диэбиттэр этэ. Былыр сүүрдэххэ мэтээл биэрбэт этилэр, кыракый жетон курдугу уонна грамота туттараллара – олор сүтүтэлээбиттэр. Кэнники сылларга мэтээл биэрэр буолбуттарын мунньан испитим.
Олоҕум устатын тухары чөл олоҕу пропагандалыыбын. 1965 сыллаахтан сүүрүүнэн дьарыктанабын. 2006 сылтан Арассыыйа сборнайыгар киирэн тас дойдуларга уончата тахсан ситиһиилээхтик кыттан кэлбитим. Австрияҕа, Италияҕа, Швецияҕа, Финляндияҕа, Польшаҕа уо. д.а. дойдуларга сүүрбүтүм. Омук сириттэн 25 мэтээли аҕалбыппын олус күндүтук саныыбын. Сахам сирин аатын түһэн биэрбэтэхпиттэн үөрэбин, киэн туттабын.
Элбэх өрөспүүбүлүкэтээҕи күрэхтэргэ кыайбытым. Аан дойдуга Арассыыйа хамаандатыгар киириэхпиттэн кыттар буолбутум. Кэлэр-барар айаным ороскуотун үксүн бэйэм уйунааччыбын. Бастаан 1-2-тэ спонсордыы сылдьыбыттара. Кэлин аймахтарым, дьүөгэлэрим көмөлөһөллөр. Бэйэм кирэдьиит да ылан күрэхтэһиилэргэ кыттан кэлээччибин.
Ордук табыллан 5-10 км сүүрэбин, полумарафоннарга да барсааччыбын. 2018 сыллаахха Москваҕа ыытыллар марафоҥҥа кыттан, бэйэм саастыылаахтарбар бэһис кэлбитим,» - диэн кэпсээтэ Мария Романовна.
Спортсмен буолуу кыра саастаах хара үлэҕэ эриллэн улаатыыттан саҕаланар. Мария, бэйэлэтин кэмин оҕолорун тэҥэ, кыратыттан холкуос, сопхуос хара үлэтигэр буспута- хаппыта. Харба Атахтан аҕыс биэрэстэлээх Хорообут оскуолатыгар үөрэнэрэ. Дьоно улахан тымныыларга эрэ ыалга айахтаан олордоллоро. Сылаас кэмнэргэ сатыы сылдьан үөрэнэрэ. Оннук оҕо саас кырачаан кыыс спортсмен буоларыгар, кини күүстээх санаалаах, тулуурдаах буоларыгар төрүөт буолбута саарбаҕа суох.
Үөрэнээччилэр Мария Романовна кэпсиирин интириэһиргээн иһиттилэр, элбэх боппуруос ыйыттылар, мэтээллэрэ элбэҕиттэн соһуйдулар, мэтээллэри илиилэригэр тутан- хабан астыннылар. Оҕолорго бу кэпсэтии олус туһалаах буолла.
Мария Романовна Мэҥэ Хаҥалас улууһун Төхтүрүгэр олорор, 4 оҕо ийэтэ, 10 сиэн, 2 хос сиэн эбээтэ. Олохтоох кулуупка “Алгыс” үҥкүү ансаамбылыгар, “Сардаана” вокальнай ансаамбылга дьарыктанар, “Оллоон” бөлөххө олоҥхолуур.
Мария Романовна күн бүгүнүгэр диэри күн ахсын 5 километр сүүрэн эрчиллэр. Сааһырдым диэн олорбокко, күннээҕи олоххо актыыбынайдык кыттан, чөл олоҕу үүнэр кэнчээри ыччатарга тарҕата сылдьара, дьон ытыктабылын ылыан ылар киһи. Бу биһиэхэ барыбытыгар үтүө холобур буолар.
•
Ахсынньы 18 күнүгэр Холгума нэһилиэгигэр Мария Романовна оскуола оҕолорун кытта көрсөн, кэпсэтэн барда.
Чэпчэки атлетика тыыннаах легендата буолбут Мария Романовна Неустроева сүрдээх элбэх мэтээллэрин остуолга тэлгээн олорор хаартыската интэриниэт ситиминэн киэҥник тарҕаммыта.
Кини - чэпчэки атлетикаҕа Саха Өрөспүүбүлүкэтин спордун маастара, бэтэрээннэргэ Арассыыйа спордун маастара, бэтэрээннэргэ дойду алта төгүллээх чөмпүйүөнэ, аҕыс төгүллээх призера, Европа сэттэ төгүллээх чөмпүйүөнэ, уон төгүллээх призера, Мэҥэ- Хаҥалас, Дьаҥхаада нэһилиэгин Бочуоттаах гражданина, Арассыыйа хомуур хамаандатын чилиэнэ. Ахсынньы 14 күнүгэр 76 сааһын туолла.
“Интэриниэккэ тарҕаммыт хаартысканы ким ыытан кэбиспитин билбэппин. Ити мин үйэм тухары мунньубут мэтээллэрим. Барыта бэйэм киэннэрэ. Сорохтор “коллекциялаабыт быһыылаах” диэбиттэр этэ. Былыр сүүрдэххэ мэтээл биэрбэт этилэр, кыракый жетон курдугу уонна грамота туттараллара – олор сүтүтэлээбиттэр. Кэнники сылларга мэтээл биэрэр буолбуттарын мунньан испитим.
Олоҕум устатын тухары чөл олоҕу пропагандалыыбын. 1965 сыллаахтан сүүрүүнэн дьарыктанабын. 2006 сылтан Арассыыйа сборнайыгар киирэн тас дойдуларга уончата тахсан ситиһиилээхтик кыттан кэлбитим. Австрияҕа, Италияҕа, Швецияҕа, Финляндияҕа, Польшаҕа уо. д.а. дойдуларга сүүрбүтүм. Омук сириттэн 25 мэтээли аҕалбыппын олус күндүтук саныыбын. Сахам сирин аатын түһэн биэрбэтэхпиттэн үөрэбин, киэн туттабын.
Элбэх өрөспүүбүлүкэтээҕи күрэхтэргэ кыайбытым. Аан дойдуга Арассыыйа хамаандатыгар киириэхпиттэн кыттар буолбутум. Кэлэр-барар айаным ороскуотун үксүн бэйэм уйунааччыбын. Бастаан 1-2-тэ спонсордыы сылдьыбыттара. Кэлин аймахтарым, дьүөгэлэрим көмөлөһөллөр. Бэйэм кирэдьиит да ылан күрэхтэһиилэргэ кыттан кэлээччибин.
Ордук табыллан 5-10 км сүүрэбин, полумарафоннарга да барсааччыбын. 2018 сыллаахха Москваҕа ыытыллар марафоҥҥа кыттан, бэйэм саастыылаахтарбар бэһис кэлбитим,» - диэн кэпсээтэ Мария Романовна.
Спортсмен буолуу кыра саастаах хара үлэҕэ эриллэн улаатыыттан саҕаланар. Мария, бэйэлэтин кэмин оҕолорун тэҥэ, кыратыттан холкуос, сопхуос хара үлэтигэр буспута- хаппыта. Харба Атахтан аҕыс биэрэстэлээх Хорообут оскуолатыгар үөрэнэрэ. Дьоно улахан тымныыларга эрэ ыалга айахтаан олордоллоро. Сылаас кэмнэргэ сатыы сылдьан үөрэнэрэ. Оннук оҕо саас кырачаан кыыс спортсмен буоларыгар, кини күүстээх санаалаах, тулуурдаах буоларыгар төрүөт буолбута саарбаҕа суох.
Үөрэнээччилэр Мария Романовна кэпсиирин интириэһиргээн иһиттилэр, элбэх боппуруос ыйыттылар, мэтээллэрэ элбэҕиттэн соһуйдулар, мэтээллэри илиилэригэр тутан- хабан астыннылар. Оҕолорго бу кэпсэтии олус туһалаах буолла.
Мария Романовна Мэҥэ Хаҥалас улууһун Төхтүрүгэр олорор, 4 оҕо ийэтэ, 10 сиэн, 2 хос сиэн эбээтэ. Олохтоох кулуупка “Алгыс” үҥкүү ансаамбылыгар, “Сардаана” вокальнай ансаамбылга дьарыктанар, “Оллоон” бөлөххө олоҥхолуур.
Мария Романовна күн бүгүнүгэр диэри күн ахсын 5 километр сүүрэн эрчиллэр. Сааһырдым диэн олорбокко, күннээҕи олоххо актыыбынайдык кыттан, чөл олоҕу үүнэр кэнчээри ыччатарга тарҕата сылдьара, дьон ытыктабылын ылыан ылар киһи. Бу биһиэхэ барыбытыгар үтүө холобур буолар.
•
19.12.2024